बिग ब्रेकिंग: लाडक्या बहिणींना दिलासा! ई-केवायसी चुकलेल्यांना मिळणार लाभ!

सप्टेंबर ते ३१ डिसेंबर २०२५ या कालावधीत सर्व लाभार्थी महिलांसाठी ई-केवायसी अनिवार्य करण्याचा निर्णय महाराष्ट्र शासनाने घेतला होता. मात्र, पोर्टलमध्ये येणारे तांत्रिक अडथळे आणि माहिती भरताना झालेल्या चुकांमुळे राज्यातील लाखो महिलांकडून चुकून अपात्रतेचे पर्याय चुकून निवडल्या गेले होते. त्यामुळे सदर महिला पात्र असूनही त्यांना गेल्या दोन महिन्यांपासून हप्त्यांचे पैसे मिळणे बंद झाले होते. यामुळे संतप्त झालेल्या महिलांनी राज्यभरात आक्रमक पवित्रा घेत ठिकठिकाणी आंदोलने केली. आज २० जानेवारी रोजी शेकडो महिलांनी जिल्हाधिकारी कचेरीवर दस्तक देत रोष व्यक्त केला. याची गंभीर दखल घेत महिला व बालविकास विभागाचे सचिव अनुप कुमार यादव यांनी आज २० जानेवारी रोजी राज्यातील सर्व जिल्हा महिला व बालविकास अधिकाऱ्यांशी तातडीने “व्हीसी”द्वारे  संवाद साधला. नव्हेतर ई-केवायसी चुकलेल्या महिलांची स्वतंत्र यादी तयार करून जशी एका रेशन कार्डवर दोनपेक्षा जास्त महिलांच्या अर्जांची पडताळणी झाली होती, तशीच अंगणवाडी सेविका घराघरात जाऊन ई-केवायसी चुकलेल्या महिलांची खातरजमा करण्यात येणार असून या पडताळणी प्रक्रियेसाठी आठ दिवसांत राज्य शासनाकडून अधिकृत मार्गदर्शक सूचना जारी करण्याचा महत्वपूर्ण निर्णय घेतला. त्यामुळे आता कोणतीही पात्र महिला या योजनेच्या लाभापासून वंचित राहणार नसल्याने महिलांना मोठा दिलासा मिळाला आहे.

शासनाच्या या निर्णयामुळे केवळ तांत्रिक चुकीमुळे अडकलेल्या खऱ्या पात्र लाभार्थी महिलांना मोठा आधार मिळाला आहे. लवकरच पडताळणी पूर्ण होऊन त्यांचे थकीत आणि नियमित हप्ते बँक खात्यात जमा होतील,अशी माहिती महिला व बालविकास अधिकारी प्रमोद येंडोले यांनी “हिंदवार्ता”शी बोलतांना दिली.