नांदुरा: कर्तव्य बजावत असलेल्या ठाण्यातच “पीएसआय” बनले आरोपी 

नांदुरा खुर्द येथील रहिवासी असलेले गोपाळ राधेश्याम नालट (वय ३१ वर्षे) हे २७ जानेवारी २०२६ रोजी दुपारी ४.४० वाजता दरम्यान वैयक्तिक तक्रार घेऊन नांदुरा पोलीस स्टेशनमध्ये गेले होते. त्यावेळी पोलीस ठाण्यात कर्तव्यावर असलेले पोलीस उपनिरीक्षक घाटोळ यांच्याशी नालट यांचा वाद झाला. तसेच पीएसआय घाटोळ यांनी नालट यांचा तक्रार अर्ज घेण्यास नकार देत, अर्ज फेकून दिला. या प्रकरणाचा व्हिडिओ बनवण्याचा प्रयत्न केला असता, संतापलेल्या घाटोळ यांनी नालट यांना चापटी-बुक्क्यांनी मारहाण केल्याचा आरोप गोपाळ राधेश्याम नालट यांनी तक्रारीवरून केला असून या प्रकरणी नांदुरा पोलिसात भारतीय न्याय संहितेच्या कलम ११५(२) अन्वये अदखलपात्र गुन्हा दाखल केला आहे.

या प्रकरणाचे सर्वात धक्कादायक पैलू म्हणजे, पोलीस उपनिरीक्षक घाटोळ हे नांदुरा पोलीस स्टेशन अधिकारी म्हणून नेमणुकीस असून त्याच ठाण्याच्या डायरीत त्यांची नोंद आता “आरोपी” म्हणून झाली आहे.