एशियन आंतरराष्ट्रीय लॅक्रोस स्पर्धेत भारतास सुवर्णपदक

राज्य व राष्ट्रीय स्तरावरील स्पर्धांमध्ये उत्कृष्ट खेळाचे प्रदर्शन केल्यानंतर त्यांची भारतीय संघात निवड झाली होती. या स्पर्धेत भारतीय संघाने सौदी अरेबिया, पाकिस्तान व इराक या बलाढ्य संघांचा पराभव करत सुवर्णपदकावर आपले नाव कोरले. या ऐतिहासिक विजयात सागर बोर्डे यांचे योगदान अत्यंत मोलाचे ठरले. बुलढाणा जिल्हा लॅक्रोस खेळाचे मार्गदर्शक तथा आंतरराष्ट्रीय खेळाडू श्रीराम निळे यांनी संघाला मोलाचे मार्गदर्शन केले. तसेच महाराष्ट्र लॅक्रोस असोसिएशनचे सचिव मोहिद बाबर यांनीही खेळाडूंचे कौतुक केले आहे. सागर नंदकिशोर बोर्डे यांच्या या यशामुळे बुलढाणा जिल्ह्याच्या क्रीडा क्षेत्रात आनंदाचे वातावरण असून, सर्व स्तरातून त्यांचे अभिनंदन करण्यात येत आहे.